huling araw ng klase ngayon, oktubre 1, 2007. dance drama adaptation ang ginawa ng huling grupo sa nobelang banyaga ni charlson ong. ginawang tula saka isinalaysay at isinayaw. hmm. pasiklab.
ang sabi ko, binubuksan ng nobela ang pagtingin sa mga tsinoy, tinatanggal ang esteryotipikong prehuwisyo. na hindi lamang sila puro negosyo kundi tao na nasa gitna ng pagbabago sa konteksto ng pagiging filipino.
mahusay si charlson. tunay na mababago ng mahusay na nobela ang pagtingin sa tao sa loob lamang ng panahong binabasa ang akda. kung minsan sa loob ng isang araw. sino ang nagsasabi na mahirap baguhin ang mundo? ang panitikan ay may kakayahan na iukit sa kamalayan ang salimuot ng isang buong buhay at isabagong-anyo ang kamalayan. nagsisimula sa isa ngunit nakaamba ang pagkakataon na maidamay ang iba pa. ang sa klase, kapag nagawa ito, tagumpay nang matatawag ang limang buwang halos pagtitiis sa init at sikip ng cal new building.
Subscribe to:
Post Comments (Atom)
No comments:
Post a Comment